Տան անդամները առավոտից լուռ են: Ոչ ոք կոնկրետ բան չի խոսում: Չի հարցնում: Բոլորը կարծես իրարից նեղացած լինեն, իրար աչքերի մեջ չեն նայում: Մայրը լուռ ճամպրուկն է լցնում: Միայն տասներկուամյա որդին չի կարողանում իրեն զսպել, անընդհատ հուզվում է ու բոլորին տակնուվրա անում: Ու էլի ամեն մեկն ինքն իր հետ, ինքն իրեն հարց է տալիս. «Ի՞նչպես հասունացավ երկիրը, տունը լքելու, վիզա ստանալու ու ինչ- որ երկրի, ինչ -որ ճամբար հանձնվելու որոշման պահը: Որովհետև հաշմանդամ երեխա ունես ու սա միակ ելքն է՞»:
Տան մեծերը շատ դժվարությամբ եկան այդ որոշմանը: Միշտ հույս ունեին, որ երեխայի բուժումը հաստատ դրական արդյունք է ունենալու:
![](https://www.4plus.org/wp-content/uploads/2017/11/PIR_SEV_4PL_01-1.jpg)
Սևակն իր բարձր տրամադրությամբ ուրախացնում է ընտանիքի անդամներին:
![](https://www.4plus.org/wp-content/uploads/2017/11/PIR_SEV_4PL_02-1.jpg)
Սևակը սիրում է կախ ընկած ճոճվել բակի միակ ճոճանակից:
![](https://www.4plus.org/wp-content/uploads/2017/11/PIR_SEV_4PL_03-1.jpg)
Տատիկը ամուր գրկել է Սևակին, ամբողջ օրը նա այդպես հրաժեշտ էր տալիս թոռանը:
![](https://www.4plus.org/wp-content/uploads/2017/11/PIR_SEV_4PL_04-1.jpg)
Սևակը կարող է հրաժարվել կերակուրից եթե տրամադրություն չունի:
![](https://www.4plus.org/wp-content/uploads/2017/11/PIR_SEV_4PL_05-1.jpg)
Մուլտֆիլմ դիտելը Սևակին հանգստացնում է:
![](https://www.4plus.org/wp-content/uploads/2017/11/PIR_SEV_4PL_06-1.jpg)
Մայրը փորձում է Սևակին սովորեցնել ինքնուրույն որոշ գործողություններ կատարել:
![](https://www.4plus.org/wp-content/uploads/2017/11/PIR_SEV_4PL_07-1.jpg)
Իննամյա Սևակը դեռ չի խոսում:
![](https://www.4plus.org/wp-content/uploads/2017/11/PIR_SEV_4PL_08-1.jpg)
Շփումը տան անդամների հետ Սևակի համար շատ կարևոր է:
![](https://www.4plus.org/wp-content/uploads/2017/11/PIR_SEV_4PL_09-1.jpg)
Վերջին անգամ են ճաշում միասին:
![](https://www.4plus.org/wp-content/uploads/2017/11/PIR_SEV_4PL_10-1.jpg)
Լռություն:
Հիմա ամենասկզբից
Սևակը ծնվեց նորմալ քաշով, ժամանակին: Հղիության ընթացքում «Դոպլեր» հետազոտությունը երեխայի զարգացման մեջ շեղումներ չէր գրանցել: Քսաներորդ օրը մոտ տասը օր ջերմեց, ամբողջ ընթացքում բժիշկների հսկողության տակ էր, ոչ մի լուրջ բան, բժիշկների եզրակացությամբ երեխայի ջերմակենտրոն համակարգն է խախտվել, իսկ դա կարգավորվում է արագ: Բայց փոքրիկն անհանգիստ էր, իսկ բժիշկները հանգստացնում էին՝ փորիկն է ցավում, գազիկներն են հաստատ, լուրջ բան չկա:
![](https://www.4plus.org/wp-content/uploads/2017/11/PIR_SEV_4PL_11-1.jpg)
Սևակը սիրում է հետևել կրտսեր եղբոր չարաճճիություններին:
![](https://www.4plus.org/wp-content/uploads/2017/11/PIR_SEV_4PL_12-1.jpg)
Սևակի մայրը մեծ պատասխանատվություն է զգում. նրա ընտանիքն անորոշ ժամանակով կիսվում է երկու մասի:
![](https://www.4plus.org/wp-content/uploads/2017/11/PIR_SEV_4PL_13-1.jpg)
Սևակի Ավագ եղբայրը մեկնման օրն անընդհատ փակվում էր ննջասենյակում:
![](https://www.4plus.org/wp-content/uploads/2017/11/PIR_SEV_4PL_14-1.jpg)
Սևակի հայրը կշռում է ճամպրուկը, այն չպետք է գերազանցի 20 կգ-ը:
![](https://www.4plus.org/wp-content/uploads/2017/11/PIR_SEV_4PL_15-1.jpg)
Սևակի ավագ եղբայրը առավոտից չի կարողանում զսպել արցունքները:
Մոտ վեց ամսականում նկատվեցին զարգացման խնդիրներ, համակարգչային հետազոտությունը ցույց տվեց` երեխայի գլխում հեղուկ էր հավաքվում: Ընտանիքի անդամների աչքերի փայլը կորավ, ինչպե՞ս առաջացավ, ե՞րբ, միգուցե դա էր պատճառը, որ նա անհանգիստ էր, անվերջ լացում էր, կաթից հրաժարվում էր: Սկսվեցին հիվանդանոցային վազվզոցները, հետո վերականգնողական կենտրոնները: Դրական արդյունքները շատ դանդաղ էին, Սևակը շատ դժվարությամբ քայլեց` երեք տարեկանում, ինը տարեկան է ու դեռ ոչ մի խոսք չի ասել, ինքնուրույն ոչինչ չի կարողանում անել: Այս ամենին ավելացավ մեկ այլ բարդություն՝ վեց տարեկանից տղան սկսեց ցնցումներ եւ ուշագնացություններ ունենալ: Նրան նշանակեցին հակաէպիլեպսիկ դեղահաբեր, որոնք իրենց հերթին ազդում էին երեխայի վրա` նա ավելի վատ էր քայլում, հեշտությամբ կարող է կորցնել հավասարակշռությունը: Ամիսներ էին լինում, երբ հիվանդանոցից տուն չէին գալիս: Իսկ բուժումը կատարվում էր մոտավորապես` փորձենք այս դեղը… չէ, հիմա մյուսը… ավելի լավ է մեծ չափաբաժնով… չէ կարծես բարձր չափաբաժին է… պետք է իջեցնել չափաբաժինը…
![](https://www.4plus.org/wp-content/uploads/2017/11/PIR_SEV_4PL_16-1.jpg)
Հայելու դիմաց կանգնելը դուր է գալիս Սևակին:
![](https://www.4plus.org/wp-content/uploads/2017/11/PIR_SEV_4PL_17-1.jpg)
Կեսօրին Սևակն ու տատիկը միշտ միասին են քնում:
![](https://www.4plus.org/wp-content/uploads/2017/11/PIR_SEV_4PL_18-1.jpg)
Սևակի մայրը առավոտից հավաքվում է ճամպրուկը:
![](https://www.4plus.org/wp-content/uploads/2017/11/PIR_SEV_4PL_19-1.jpg)
Եղբայրները հրաժեշտից առաջ:
![](https://www.4plus.org/wp-content/uploads/2017/11/PIR_SEV_4PL_20-1.jpg)
Զգու՞մ է արդյոք Սևակը, որ վերջին անգամ է կանգնած իր սիրած պատուհանի մոտ:
Բժիշկները չէին կողմնորոշվում: Այդ դեպքում ինչպես կարող ես ակնկալել առաջընթաց… Ուրիշ ելք է պետք գտնել: Եվ կայացվեց որոշումը.
Լքում ես երկիրդ, տունդ, վիզա ես ստանում ու գնում հանձնվում ինչ-որ երկրի ինչ-որ ճամբար: